عبثاً
عبثاً تبحث عن بلوزتها الوردية وسط اكوام من الثياب الصيفية الملقاة أرضاً فى انتظار رحلتها السنوية للبيات الشتوى .. تبعثر الثياب حولها بعصبية شديدة .. تستمر فى بحثها بلا جدوى.. تهذى بكلمات غير مفهومه .. تبعثر الثياب بعصبية أشد.. تغافلها دموعها لتسقط دون ان تشعر.. تخذلها قدماها فلا تسطيع الوقوف .. تهبط على ركبتيها .. تنتحب بصوت مسموع .. تخنق الدموع هذيانها .. نحتضن قطعه من ملابسها وتنتحب بعنف .. تنظر الى ثيابها المبعثرة حولها فى الغرفه .. تدفن وجهها فى قطعه الملابس التى كانت تحتضنها "وتصرخ بصوت مكتوم: " كل حاجه بتضيع .. كل حاجه بتضيع
21 Comments:
يمكن احنا اللى بنضيع مش الحاجه هى اللى بضيع بتبقى الحاجه قدام عينينا ومش شايفينها
يمكن عشان احنا بندور بره ومش شايفين الحاجه من جوانا
اهنيك
اسلوب اكتر من واقعى
وبجد انا حسيت بالقهر اللى مقهوراه
شوفى يا مويا دايما كلامك بسيط اوى وفيه عمق اتعودت اقرالك و بستمتع بكلامك
مش عارفه البلوج بتاعك مختفى ليه
انتى فين ؟؟؟
وفين البلوج بتاعك
وجعتينى اوى
احساس وحش اوى
بس الحمد لله انها عيطت
لان العياط ده فوقان من حاجات كتير اوى
ليه صديقة بتقول دايما
اد ايه الدموع دى حاجة جميلة
بتغسلنا من جوه
كلماتك رقيقة اوى و جميلة اوى
تحياتى ليها
أنا زعلت علشانها و حسيت بضيقها و غضبها و حيرتها و خوفها
بس معرفتش مالها أيه الى ضاع منها و على العموم لو حاجة ضاعت يبقى عممر ما كان مقدرلها البقاء
فعلا كل حاجه بتضيع
ياااااااااااه صورة حلوة اوى
بس برافو عليها
قدرت تخرج اللى جواها
مع انها اتحججت بالبلوزة
ساعات كتير بنبقى كاتمين جوانا
وتيجى القشة اللى تقسم ظهر البعير
وتلاقينا انهرنا فجأة
ضاعت الأحلام الوردية
والرمز بلوزة
ضاعت ليالى الصيف الجميلة
والرمز البيات الشتوى
ياس وتعاسة والرمز .. دموع
لما سبتى تعليقك عندى .. حسيت انك متفائلة
جيتلك علشان تعدينى بالتفاؤل بتاعك
لكن البوست دة .. خلانى أقول
ربنا معاكى
مش انا اللى كاتبه البوست ده.. دى مدونه مشتركه مع بنتين صحباتى اللى كاتبه البوست ده مويا مش انا :)
بس ربنا معايا برده ادعيلى :)
لا تنهارى امسحى دموعك كونى قوية ليست هذة نهاية الدنيا ولا هى آخر قطعة تضيع ولكن فى كل مرة تضيع قطعة انما هى التى ضاعت فلم تعد تنتمى لك فانت كما انت لا تضيعى معها وان مسحت دوعك فستجدين ان البلوزة بين يديك البلوزة الوردية هى بين يديك ولكن دموعك اخفتها عنك واما الشتاء فهو يحمل مع لسعة برودته دفء الاصدقاء وتشتعل داخلنا مدفأة القلب مازال هناك من يهتم وان ضاعت بلوزة فستجدين جاكت او بلوفر يحميك من قسوة الشتاء وشمسية تبعد عنك بلل المطر فكم انت محظوظة..
فى ادينا نخلى الحاجات متضيعش
امسحي دموعك يااماااااال
كل حاجة بتروح وتيجي ويفضل الحب والصحبة الحلوة
بيفضل الامل
اهم حاجة تختاري صح
======================
الامبراطورية المفقودة
عالم مختلف
http://www.lost-empire.blogspot.com/
صحيح كل حاجه بتضيع؟؟؟؟؟ربنا معاها ومعاكى
لمستى جوايا يامويا
هههههه
جميلة اوي
وبعدين مسحت دموعها .. فتحت الشباك .. دخلت سقعة الشتا على قلبها .. طلعت الجاكت الاسود ونزلت تجري على البحر لحد ما فاقت
___________
حاجات بتضيع .. وحاجات بتتولد
تحياتي
الاسلوب جميل و رشيق...وأيضا مؤثر...
و لو سمحتي لي ان أعلق... إذا كانت كل حاجة بتضيع.... يبقي الخطأ فين....؟ في الحاجة كلها...؟ أم من تضيع منه.
لا بد لكل منا من وقفة مع النفس ليراجع نفسه و تصرفاتة و سلوكه...و يقيم أداؤه...مع ربه..و نفسه..و كل من حولنا.... هل أخطأنا في حق أحد...هل قصرنا في حق انفسنا او قي حقوق الاخرين....
بكل صدق أقول لو فعلنا ذلك لن يضيع منا شيء...إلا إذا كان به شر و أراد الله سبحانه و تعالي ان يجنبنا أياه.
اللهم فرج الهم و الغم....و اصلح ذات بيننا....اللهم آمين.
تحياتي
Ya Sampateek
I am really inspired by your blogger. You have a very unique style. Good luck and we need more and more.
By the way would you tell me how to add an audio file on my blogger. You may send me at w_elraouf@yahoo.com
thanks
she must not stay alone for long times and what I felt from the post is she needs a warm hug and someone to comfort her.
Sorry for being an introoder but I liked your blogg very much and I hope you don't mind my visits.
كلام عميق قوى استمتعت بيه
:(
عجبنى اوىىىىىىىىىىىىىىى
و عجبنى تعليق سوكومونس اوىىىىىىىىىىىىىىى وبتفق على كل كلمة فيه
أحيانا بنغيب حتى عن حياتنا
كمحاولة منا للتأقلم مع غيابنا لدى الأشياء والبشر
فأصبح غياب المعاني عادي
فعلا كل حاجة بتضيع
ويبقى غيابنا لدى الغير عادي
تحياتي لكِ
Post a Comment
<< Home