.....مش سمباتيك
تصحى من النوم مخنوقه ومقبوضه كعادتها من فتره
تفتح عينيها غصب عنها عشان تنزل الدموع اللى محوشاها من فتره جواها
تغمض عينيها شويه عشان تمنع دموعها تنزل اكتر
تحاول ترجع تنام ... تحس انها بتتخنق اكتر
تقوم من سريرها تتمشى فى اوضتها شويه
تبص للبلكونه .. تفتكر حاجات كتير توجعها... تفتكر انها لازم تعيط قبل ما تتخنق اكتر
تلبس الروب الصوف بتاعها
تلم شعرها " كحكه" وتفتح البلكون تقف فيها شويه
تبص للقمر .. عينيها تتملى دموع اكتر
تكلم القمر بصوت خانقه الدموع والوجع اللى جواها
" على فكره... مش ده اللى اتفقنا عليه .. خالص"
تبص بعيد عن القمر وتسمح لدموعها تنزل
.......يمكن تغسل شويه من الوجع اللى جواها
posted by Moia at 9:28 AM
24 Comments:
Wow .. this is a very common state begad ...
ياما الواحد صحي عنده الإحساس ده
أحساسي كل صباح هذه الأيام. وكل مساء ايضا. اصبحت دموعي تنسكب بلا مبرر مباشر وبدون مراعة لوقت او مكان
مويا الرقيقة ايه كل الجمال ده , ده الحزن بتاع بالليل ده انا عارفاه
رقيقة اوى يا مويا
eih el re2a dih !! ana alby et2ata3
ya rab kol elly zayek min e7;wana el mokta2ebin fo2 dol yeb2o mabsotin tany wel basma terga3 3al weshosh
antouk
يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!
----------------
و عجبتني أوي : مش ده اللي اتفقنا عليه خالص :D
واضح انها حالة عامة
لأن القمر حزين النهاردة
مش حيقدر يرد ع الأسئلة
لكنه بكرة حيبتسم
يعاهد حبايبه
بوفاء الوعود
بشرط الإبتسامة
ترجع للوشوش
جميل يا مويا
الحزن تقريبا بقى شئ أساسي
حاجه غريبه أوي الوقت اللي مبنكونش زعلانين فيه نفضل نسمع أغاني شجن يعني
زي ميكون الحزن ده بقى زي الميه والهوى
الحزن مش حلو ومش وحش بس المفرود اننا
منحزنش على طول
ولا نفرح على طول
أحزان الليل وشجن الروح
والشكوى للقمر
وما بعد القمر
الرومانسية والحلم
تركيبة عجيبة في هذه التدوينة
ما أجمل هذا الوجع
تحياتي
صباحكم سمباتيك وسكر كمان
اسمحولي اهنيكم علي المدونة الرائعة دي
واسمحولي اكون متابعة دائمة لها
وبجملة الطلبات كان ليه طلب منكم(المزيكا اللي شغاله في الخلفية جميله قوي ولمساني من جوة لو كان ممكن تقولولي ازاي ممكن انزلها علي الجهاز عندي)
وجزاكم الله خيرا ووفقكم
ya 3einy!
ana el wesada el 7'alya beta3ty ta3bany 7'aaaaaaales ))
First time to stop by..but won't be the last insha Allah!
انا عمري ما كنت حزين النوع ده من الحزن، بس بجد انا عجبني الحالة
و اكتر العتاب للقمر رغم انه مسكين زينا و بيشتغل طول الشهر باجازة يوم واحد بس عشان يكون معانا، يطبطب و يدلع -لو تسمحولي في التعبير- و ينور لحد الصبح يمكن ساعتها، في النور نشوف جروحنا و نداويها
مسكين يا قمر
صباحك سمبتيك و ابقي زوريني
gameel bas mokta2ib !!
صباح الفل
أحببت الهدوء هنا
وهواء إسكندرية المنعش
أحييك
دموع الليل تخفى اكثر مماتبدى
ويابخته اللى يعرف يبكى انا احسدها
واحسدك على رقه الكلمات
wade7 fe3lan enaha 7ala 3ama!!:)
حبيت لكن حب من غير حنان
و صحبت لكن صحبه مالهاش أمان
رحت لحكيم و أكتر لقيت بلوتي
إن اللي جوه القلب مش ع اللسان
انتيكا
gameeeeeeeel
ليتنى اعرف البكاء
"على فكرة مش ده اللى اتفقنا عليه خالص"
صباح الجمال الحزين فى العتاب
القصه دي تشبهني
يانهار ابيض
ده مش انا بس اللى شحتفة
....
اسلوب مميز
ومركز
وفى الصميم
احستنى
مش سمباتيك خالص يا مويا على فكرة
بجد ومحدش فينا اتفق على كدة
مهرجان النشر الجماعى الاول
تقيم التكعيبة للتنمية الفنية و الثقافية مهرجان سنوي للنشر الجماعي للقصة و القصة القصيرة و الشعر بالعامية و الفصحى، سيكون موسمه الأول هو عام 2009.
و مفهوم النشر الجماعي هو مجموعة قصصية أو مجموعة شعرية لأكثر من مؤلف بين ضفتي كتاب واحد يجمع تلك الأعمال التي سيتم اختيارها عن طريق لجنة تحكيم في كل مجال على حدا، و يتم تحديد أعضاء اللجنة لكل دورة مهرجان.
و يصدر بتلك الأعمال مطبوع/ كتابين أحدهما للقصة و الآخر للشعر سيتم نشره في عامه الأول بالتعاون مع دار دَون، و يتم توزيعه و بيعه في الأسواق
لمساعدة الكتاب أصحاب العمل الواحد و كذا الكتاب الجدد الذين لم تتكون لديهم مجموعة قصصية أو شعرية بعد، في نشر أعمالهم المميزة بدون مقابل مادى
و ترسل الأعمال مرفق بها اسم الكاتب، عنوانه,رقم تليفونه,ايميله، وظيفته، سنه، سابقة نشره للعمل المقدم من عدمه او فوز العمل فى اى مسابقات ادبية
و ذلك في رسالة إلكترونية معنونه باسم المجال الذي يريد المشاركة في مسابقته مرفق بالرسالة العمل بصيغة وورد، و يفضل أن تكون تلك الأعمال مسجلة باسم أصحابها لكنه ليس شرطا لقبول العمل
ترسل الاعمال على ايميل
nashrgama3y@gmail.com
لمزيد من المعلومات حول المهرجان
http://eltak3eiba.blogspot.com
او
http://www.facebook.com/group.php?gid=94334335985#/group.php?gid=94334335985
مزيد من المعلومات حول التكعيبة
http://www.facebook.com/groups.php?ref=sb#/group.php?gid=29491316206
ملاحظات :
الاعمال المشاركة بالمهرجان هى فقط التى ترسل عبر الايميل او تسلم باليد
مسموح بالاشتراك بأكثر من عمل فى اى مجال
اخر موعد لتلقى الاعمال 15-7-2009
مع تمنياتنا للجميع بفرصة عادلة فى النشر
احمد حسن
0193953620
رقم محمول داخل جمهورية مصر العربية
يانهار ابيض
ده مش انا بس اللى شحتفة
أخبار السعودية
Post a Comment
<< Home