yo
Image hosting by Photobucket

Wednesday, May 03, 2006

.....مش سمباتيك

تصحى من النوم مخنوقه ومقبوضه كعادتها من فتره
تفتح عينيها غصب عنها عشان تنزل الدموع اللى محوشاها من فتره جواها
تغمض عينيها شويه عشان تمنع دموعها تنزل اكتر
تحاول ترجع تنام ... تحس انها بتتخنق اكتر
تقوم من سريرها تتمشى فى اوضتها شويه
تبص للبلكونه .. تفتكر حاجات كتير توجعها... تفتكر انها لازم تعيط قبل ما تتخنق اكتر
تلبس الروب الصوف بتاعها
تلم شعرها " كحكه" وتفتح البلكون تقف فيها شويه
تبص للقمر .. عينيها تتملى دموع اكتر
تكلم القمر بصوت خانقه الدموع والوجع اللى جواها
" على فكره... مش ده اللى اتفقنا عليه .. خالص"
تبص بعيد عن القمر وتسمح لدموعها تنزل
.......يمكن تغسل شويه من الوجع اللى جواها

19 Comments:

Blogger Dina El Hawary (dido's) said...

Wow .. this is a very common state begad ...
ياما الواحد صحي عنده الإحساس ده

12:25 PM  
Blogger Alexandra said...

أحساسي كل صباح هذه الأيام. وكل مساء ايضا. اصبحت دموعي تنسكب بلا مبرر مباشر وبدون مراعة لوقت او مكان

3:23 PM  
Blogger karakib said...

eih el re2a dih !! ana alby et2ata3
ya rab kol elly zayek min e7;wana el mokta2ebin fo2 dol yeb2o mabsotin tany wel basma terga3 3al weshosh
antouk

4:00 AM  
Blogger Archer.Basem said...

يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!

----------------
و عجبتني أوي : مش ده اللي اتفقنا عليه خالص :D

واضح انها حالة عامة

6:31 AM  
Blogger Ahmed Rashwan said...

لأن القمر حزين النهاردة
مش حيقدر يرد ع الأسئلة
لكنه بكرة حيبتسم
يعاهد حبايبه
بوفاء الوعود
بشرط الإبتسامة
ترجع للوشوش

5:40 AM  
Blogger غادة الكاميليا said...

جميل يا مويا
الحزن تقريبا بقى شئ أساسي
حاجه غريبه أوي الوقت اللي مبنكونش زعلانين فيه نفضل نسمع أغاني شجن يعني
زي ميكون الحزن ده بقى زي الميه والهوى

5:15 PM  
Blogger أجدع واحد في الشارع said...

الحزن مش حلو ومش وحش بس المفرود اننا
منحزنش على طول
ولا نفرح على طول

4:42 AM  
Blogger مأمون المغازي said...

أحزان الليل وشجن الروح
والشكوى للقمر
وما بعد القمر
الرومانسية والحلم
تركيبة عجيبة في هذه التدوينة
ما أجمل هذا الوجع
تحياتي

4:37 PM  
Blogger nuriennium said...

انا عمري ما كنت حزين النوع ده من الحزن، بس بجد انا عجبني الحالة
و اكتر العتاب للقمر رغم انه مسكين زينا و بيشتغل طول الشهر باجازة يوم واحد بس عشان يكون معانا، يطبطب و يدلع -لو تسمحولي في التعبير- و ينور لحد الصبح يمكن ساعتها، في النور نشوف جروحنا و نداويها
مسكين يا قمر
صباحك سمبتيك و ابقي زوريني

2:14 AM  
Blogger mitar2a3 said...

gameel bas mokta2ib !!

2:55 PM  
Blogger Mohamed Al-Ashry said...

صباح الفل
أحببت الهدوء هنا
وهواء إسكندرية المنعش

أحييك

1:53 PM  
Blogger karakib said...

wade7 fe3lan enaha 7ala 3ama!!:)
حبيت لكن حب من غير حنان
و صحبت لكن صحبه مالهاش أمان
رحت لحكيم و أكتر لقيت بلوتي
إن اللي جوه القلب مش ع اللسان
انتيكا

4:06 PM  
Blogger محمد أبو زيد said...

gameeeeeeeel

4:24 PM  
Blogger Gbalawy said...

ليتنى اعرف البكاء

8:14 PM  
Blogger ملك said...

"على فكرة مش ده اللى اتفقنا عليه خالص"
صباح الجمال الحزين فى العتاب

1:13 AM  
Blogger MAKSOFA said...

القصه دي تشبهني

12:40 AM  
Anonymous Anonymous said...

يانهار ابيض
ده مش انا بس اللى شحتفة
....
اسلوب مميز
ومركز
وفى الصميم
احستنى

9:14 PM  
Blogger l0ma said...

مش سمباتيك خالص يا مويا على فكرة
بجد ومحدش فينا اتفق على كدة

2:29 PM  
Blogger hema said...

يانهار ابيض
ده مش انا بس اللى شحتفة

أخبار السعودية

2:07 PM  

Post a Comment

<< Home

Make a New Post