أحلام الفتاة الطائرة
تأملت الزُجاجتين و بَدَت عَليها الحيرة حَقا..
"مممم.."
ثُم بدا عليها أنها قد حَسَمَت تَرَدُدَّها أخيرا, فلم يبد لها طِلاء الأظافِر الأبيض مناسباً لليومِ على كلِ حال..
انهمَكت في طِلاء أظافِر قدَميها باللونِ الأحمر و هي تُدندِن "خُذوني إلى بيسان".. تتخذُ قراراً فورياً بتسمية ابنتها "بيسان".. ف"هُناك يشيعُ الحنان".. تَنتقلُ إلى أظافرِ يديها مُحاولةً إلهاء نفسها عن تِلك البُرودة التي تَكتنفها مُنذ الصَباح.. "بابٌ و شباكان بيتُنا في بيسان".. تُنهي طِلاء أظافِرها و تَجلِسُ ساهمة في إنتظار جفاف الطلاء..
ا
ترى من مكانها بالونا يطير في الأفق.. انفلت من يد أحد الأطفال لابد.. ربما يبكي الآن؟.. تتذكر حلمها الطفولي بأن تمسك بأكبر عدد من البالونات حتى تطير.. تبتسم حين تتذكر حكيها عن حلمها:
-"يعني إنتِ هتنفخي عشر بلالين.. بعدين تمسكيهم و تطيري؟!"
يبدو عليها نفاد الصبر, ثم تجيب بلهجة العالم ببواطن الأمور:
-"لأ طبعا!! اللي هطير بيها دي بلالين هليوم بابا هيجبهالي.. مش بلالين عادية زي بتاعتكم يعني.."
تتنبه عندما يغيب البالون عن ناظريها. لقد جف طلاء الأظافر.
ا
تمشي حافية نحو دولابها لتختار ما تلبسه اليوم.. تختار أحد القمصان الصيفية, ثم تقرصها برودة الجو فتمتد يدها نحو الكنزة الصوفية أيضا.. ترتدي ملابسها في صمت, ثم تقف أمام المرآة لتعقص شعرها تلك العقصة الطفولية.. تبتسم لانعكاسها و تمضي..
ا
تقف في مدخل بنايتها.. تأخذها الرياح الباردة على حين غرة, فتضم أطراف الكنزة على بالون وحيد و طفل يبكي و طفلة تحلق عاليا بإتجاه بيسان.. و تمضي بإتجاه الميدان.. و يكون آخر ما تقع عيناها عليه قبل أن يبتلعها الزحام: المؤشر الذي يتوسط الميدان, و في وسطه تظهر درجة الحرارة "35"..
18 Comments:
جميل
w7shteny ya nour .. awe :)
انا ساعات فى عز الحر ببق ى متكتكه وساعات فى عز البرد ببقى حرانه
الددنيا دى غيريبه!!!!!!!!!
حمد لله على السلامة , بوست جديد منور
وبعدين مسألة الحر دى نسبية , افتكر الشتا اللى فاتكنا سهرانين برة لقينا واحد صاحبنا جاى لابس قميص بنص كم - فى الوقت اللى كلنا لابسين سويترات وبلوفرات , ويقولنا ايه يا جماعة ده الجو جميل
ممكن اوي تكون درجه الحراره بتهوبص اشمعني دي اللي هتكون عدله في بلادنا
بس ممكن برده البروده تكون جايا من جوا
من روحها
ايه دااااااااا؟
اية الحلاوة دى يا شيخة معندكوش جبنة ههههههههههه
لا بجد كلام منتهى الرقة والانوثة والروح المغتربة مع عالمها
فى العادى بكتب فصحى وكلام كبير بس كلامك حسيتو حقيقى وطبيعى ومشاعر كل البنات بتحسها لما تحس بلاغتراب عن ناس بتحبهم ويحبوها وبنفارقهم بيكون عز الحر برد اوىىىىىىى
وبيكون الحر برد
وفيروز دايما بتحرك الشجون فى كل روح رقيقة بتحلق فى السماء
بلوجك جميل اوىىىىىىىىىىى
حلو
الشعور بالبروده
في عز
حراره الصيف
غعلا قصه جميله
بها تعبيرات أنثويه ناعمه
ونهايه أجمل
لأنها لم تكن متوقعه
هى جميله اوى
ونهايه اجمل
صباح الفل
صباح السمبتيك و الفل
و كل سنة وانتم طيبين و عيد سعيد
i missss ur posts ba2a !!
الأسلوب ده واللغة دي
ميكتبش بيهم غير فنان
جميــــــــــــــل
تحياتي
تامر العفيفي
صباحك عسل
انا ليا طلب عندك
أرجوووك
أريد رابط لاغنية بيسااااااان
او الاغنية نفسها
بلييييز
لأن
انا بنتي اسمها
بيســــــــــــــان
انا قلت اجرب عالم البلوج ده واهيس شوية .. مصيبة !!..اكتشفت عالم تاني بيقولك تهييس ايه !!احنا حتى لما بنهيس دماغنا مليانة افكار.. صحصح وشغل مخك . ايه البوست الجامد جدا ده انا طبعا مش هشرح ذي صديقتك "عيون القطة" و"مكسوفة" لأن الموضوع محتاج بوست لوحده .. شكرا على البوستات الجميلة رجعت اشغل دمغاعي تاني واكتشفت ان لسه فيه ناس جامدة جدا .
عندك مشكلة بالنوم؟
Nice post
I like your blogg
حلو كلامك ..و احلى منه احساسك بالبطلة؟تحياتى
شكرا لك ايها العزيز على تلك المقالات والمواضيع الهامة والممية تقبل تحياتى
http://www.egypt-panorama.com/
Post a Comment
<< Home